Кој видел аир од книги...

Не ја гледам поентата, ама ај.
Правилата, кои нема да ги испочитувам до крај, се:

* земи било каква книга во непосредна близина
* отвори на 123 страница, ако има
* јасно прочитај ги првите 5 реченици кои почнуваат на страната
* следните три, после петте, вкуцај ги на блог
* наведи го насловот и авторот на делото
* тагни следни 5 блогери

„... Но во однос на некои називи образувани со други завршоци, и особено ако се работи за малку познати месности, ова воспоставување на в не е потребно и не се врши. На пример: Крупејца, Кленоец, Букоик. Треба посебно да се забележи дека во нашата литературна практика надвладува употребата на заменската форма тоа; така е и во прилозите во кои таа влегува како составен дел: затоа, потоа, меѓутоа.“

Граматика на македонскиот јазик, Блаже Конески, 1996

Е сега, нема да го исполнам ова во целост затоа што: не се вика било каква, туку: каква било, а плус не знам нови 5 блогери кои би ги тагирала.

silvery slippery

Where Is My Mind

Се залауфав со пишување, машала!

И сега се урочив и цела недела нема ништо паметно да напишам на работа, ама затоа на блог имам милион постови... Duh!

Него, го најдов ова и прилично ми ја опишува анксиозноста во периодов кој сега за сега, нема крај...

Додуша, добивам желба да го скршам, ама сепак... супер идеја.

The President Doesn't Wear Prada

Како дел од претседателската кампања, Хилари Клинтон имала закажано снимање и во Vogue, и тоа ни помалку, ни повеќе - туку од Ени Либовиц (!). Но, Хилари мудро го откажала снимањето, плашејќи се дека може да делува "женствено", а со тоа најверојатно и да си наштети на кампањата.

На ова The Almighty Ана Винтур возвратила: "The notion that a contemporary woman must look mannish in order to be taken seriously as a seeker of power is frankly dismaying."

Баш не го очекував ова од неа. Мислам на Ана Винтур :)
Но, за пофалба е што малку по малку, дури и во бастиони од типот на Vogue се појавуваат вакви ставови.

А за Хилари... не знам. Мислам дека не е доволно некој да биде жена за да биде изгласан/а за претседател/ка. Пре би гласала за Опра. Опра е и црнец, и жена! :)))

Се прашувам која наша политичарка би можела да се слика во Vogue... Ганка? Радмила?!! Фуј, мразам политика. Ама би ја сликала онаа од МВР. Не за друго, него тоа би било единствен начин да и се издепилираат мустаќите :)

MiniMe

Од кога знам за себе имам неописиво голема фиксација за мали простори и нешта со кои може тие да се опремат, што резултирало со серии минијатурен мебел што уште го чувам, па се до фантазии како да си ја уредам домата.
А кога го видов ова, одлепив тотално.
Ич не сум по чистење, ама мислам дека кога би го имала ова дома, постојано би си играла-чистела. А штипките - па не знам, иако не се минијатурни, радо би пружала алишта со нив. Најверојатно заради Едгар Алан По.

Лука Ѓоле

Конечно и тој на блог.
Фотографиите се ужасни, ама брат ми е најубав.