Генерално не сакам да си го полнам блогот со гневни постови, ама сабајлево ми се мрчи. Може ќе го избришам постов по некое време.
Баш во моментов слушам утринска емисија на 103 и зборува Христина Ивановска, попозната како Ѕверот. Христина е самопрогласена "уметница" која мисли дека треба да прави некакви си родови истражувања без смисла, методологија или порака и тоа да го пакува и продава како уметнички проект. Пред неколку години ги попишала улиците во Белград со женски имиња и упорно тоа го збори и дрви по мал милион конференции, трибини, медиуми и слично.
Никогаш не ми стана јасно - што со тоа?!
Каков е тој уметнички проект кој се сведува на просто каталогизирање и фактографско наведување и нипто повеќе од тоа? Никогаш не истакнала некоја посебна идеја или порака или нешто што произлегува од ваквата страст по информации. Ништо не е создадено, ништо не е измислено, се се преџвакува, се прераскажуваат познати и апсолвирани нешта и се удира во гради дека леле, јас работам на проект, а вие што не ме разбирате - па кој ве ебе...
Јас мислам дека треба да најдеме некоја слепа уличка и да ја крстиме по неа: Христина Ивановска - Ѕверот (нешто како Јордан Хаџиконстантинов - Џинот) и аман, нека заврши веќе еднаш. Тоа би било единствена пројава на концепт во нашето (македонско) wanna be-концептуално уметничко живеење. Фуј.
5 comments:
Хе хе! Хах! Добро е!
немој да си го избришала постов!!! Јас ќе те линкам одма!ко се лутиш ќе го напишам истото ама ќе стои како мое дело па уште покриво ќе ти биде. Топ!
Фемгерила
Добро, не бришам... одамна планирам да критикувам што и кој кај нас се здобива со статус уметник, и со какви проекти, мада постов не е доволно добро разработен и му фали поголема анализа, ама ај ќе го оставам како привремено мрчење...
Браво!
Секогаш кога пишувам вакво нешто очекувам камења и критики од типот, која си ти па што мислиш дека можеш да мрчиш и критикуваш, бла бла...
Многу ми е мило што гледам вакви реакции, и кај мене, и кај феми на блог :)
Post a Comment